Press "Enter" to skip to content

गिरिजाबाबुको १०औं स्मृति दिवसमा मास्क र स्यानेटाइजर वितरण

नेपाली कांग्रेसका पूर्वसभापति एवं पूर्वप्रधानमन्त्री गिरिजाप्रसाद कोइरालाको १०औं स्मृति दिवसका अवसरमा माक्स र स्यानेटाइजर वितरण गरिएको छ । नेपाल विद्यार्थी संघ स्याङ्जा–काठमाडौं सम्पर्क समितिले आज नयाँ बानेश्वर चोकमा दुई हजार ५०० माक्स र ५० स्यानेटाइजर वितरण गरेको हो । 

कार्यक्रममा नेपाल विद्यार्थी संघका महामन्त्री बलदेव तिमल्सेनाले विश्वव्यापीरुपमा फैलँदै गएको कोरोना भाइरसबारे नेविसंघले देशभर जनचेतनामूलक कार्यक्रम सञ्चालन गर्ने बताए। “कोरोनाको बारेमा सचेतना प्रदान गर्न नेविसंघ देशभरका सम्पूर्ण विद्यालय र क्याम्पसमा पुग्छ’, उनले भने ।

नेविसंघका अर्का महामन्त्री युवराज पाण्डेले कोरोनालाई देखाएर बजारमा अत्यावश्यक वस्तुको कृत्रिम अभाव सिर्जना गर्न नहुने बताए । “दुःखको बेला हातेमालो गरेर अगाडि बढ्नुपर्छ, कृत्रिम अभाव सिर्जना गर्नेलाई सरकारले तत्काल कारबाही गर्नुपर्छ’, उनले बताए ।

नेविसंघ स्याङ्जा–काठमाडौँ सम्पर्क समितिका अध्यक्ष इञ्जिनीयर दीपेन्द्र क्षेत्रीले बजारमा अत्यावश्यक सामग्रीको अभाव हुँदै गएका बेलामा थोरै भए पनि रोकथामका लागि सहयोग पुर्‍याउने उद्देश्यले माक्स वितरण समारोह आयोजना गरिएको बताए ।

नेविसंघ केन्द्रीय समितिले स्व कोइरालाको दशौँ स्मृति दिवसका अवसरमा आज साँझ २५ जनाभन्दा धेरै मानिस जम्मा नभई देशभरका जिल्ला तथथा क्याम्पस समितिलाई दिप प्रज्वलन गर्न निर्देशन दिएको छ ।